من الذاكــــرة الجزء .. 15..
مسا الفل بعد صلاة التراويح ، رجع ابو تركي البيت عشان يشرب القهوة .
جبت القهوة وجلست ساكته وصبيت فنجان ابو تركي وبرضي ساكته ، لكن ابو تركي قلي خير فطوووم الي انا اعرفه انك ماشاءالله وكالة أنباء شغاله ٢٤ ساعة ، كل اخبار الحاره عندك ، يلا ياام تركي هاتي وايش عندك ؟
واخيراً نطقت وقلت : ايش رأيك ياابوتركي في ( ساره ) وبسس ، انا قلت كده راح زوجي الحبيب مفنجل عيونه فيا وقال : من جدك فطوووم أكيييد ساره بنت تنحط على الجرح يطيب وصدقيني يافطوووم راح اكون عادل بينكم بما يرضي ربنا وتصير عندك خدامه وتحت رجولك بس انتي حددي موعد معاهم وانا وانتي نروح نشوفها ، لا لا نشوفها ليه مايحتاج ... فطوووم انا تحت امرك والي تؤمري بيه انا جاهز ...
شايفين وسامعين هذا ابو تركي الي انا على قوله حياته وعمره كله
ااه قلبي محروق منه ايش اعمل في المصيبه دي .. ادعي عليه دعوة وليه في عز الظهريه
وخرجت من البيت ورحت عند خديجة وانفجعت لماشافتني وقالت : اشبك فطوم شكلك مو على بعضه قلتلها اسكتي ياخدوج ... وخليها في القلب تجرح ولا تخرج بره وتفضح
خدوج : ياساتر خير فطوم اتكلمي ، قلتلها ايش رأيك في ساره ؟
قالت الله يافطوم على ساره وجمالها وادبها وشطارتها ، طبعاً اكفي الصينيه على فمها تطلع البنت زي امها.
لكن لمين تبغيها ساره ؟
تفتكري يعني ابغاها لمين انتي نسيتي انه محمد طلق مرته . وامه نفسها تزوجه بس تبغاوحده بنت حلال @: والله انك صادقه طيب قومي خلينا نروح عند ام محمد ونعرض عليها الموضوع واكيييد راح تفرح من قلبها .
ورحنا عند ام محمد وقلنالها على موضوع الخطبه ، وفرحت المسكينه وقالت طيب خلينا نروح لسعاد دحين ونكلمها !
ورحنا لسعاد وكلمناها ووافقت من غير تطويل كلام ، ورجعت الخاله وزفت الخبر السعيد ل محمد ، لكن محمد قال لأمه انه يحتاج ياخذ معاه شخص تاني واختار ابو تركي .
انا بصراحة فرحت وقلت خلي ابو تركي ينصدم لما يعرف ان ساره عروسة محمد
وخلي العرس ينتهي على خير وبعدين افضالك ياابوتركي فين تروح من فطوووم ... جالك المووووت ياتارك الصلاه ..



تعليقات
إرسال تعليق