من الذاكـــرة الجزء ..12..

مساء الورد لما خرجت من عند ام محمد ساعة السحور وبصراحة كده لأول مررره تحزن عليا ام محمد وتحس بمعاناتي معاها ، ووعدتني انا وجميع اهل الحاره اننا نفطر عندها يوم العيد ، وطبعاً فطور ام محمد غير فطورنا ، بعدين ان شاءالله اخصص حلقة خاصة تحكيلنا فيها ام محمد عن يوم العيد ، المهم رحت لبيت خديجة وسعاد عشان اعتذر عن العملة السودة الي عملتها فيهم وفي الإخير مانابني لا ينبع ولا بحرُ .... بعد ماشربت الشاهي عند خديجة قلتلها، انا اليوم ماني رايحة عند ام محمد ، خلاص انتي كملي حكايتها وانا اقلك فين وصلت ...
قالت ام محمد انها دخلت الغرفة وقفلت على نفسها الباب عشان ضيوف مرة محمد مايشوفوها !!
خديجة : طيب اسمعي فطوم ..
دخلت ام محمد غرفتها بعد ماجهزت سفرة الطعام لكن قبل ماتدخل الغرفة شافتها وحدة من ضيوف مرة ولدها ، أبتسمت في وجهها وسلمت عليها ، لكن زوجة محمد صرخت في وجه الخالة وقالت لها انت لسة واقفه هنا ادخلي الغرفه ولا اشوفك تخرجي منها ..بصراحة صاحبتها استنكرت الوضع وقالت حرام عليكِ ياشيخة الحرمة طيبة وضعيفة ليه عملتي فيها كده ؟
ردت العقربه مرة محمد وقالت لا يكون قلبك ضعيف كده دي ناس ماتمشي إلا بالعين الحمرا
*** هاا وايش ردت عليها
خديجة : قالت لها صاحبتها حرام عليكِ واتقي الله فيها وانتبهي ترى الدنيا دواره .
بعد العشا شربو الضيوف الشاهي وخرجوا وطبعاً البيت حايس بعد الضيوف ، صارت خايفة لا يجي محمد ويلاقي المطبخ بهذا الشكل ..
*** : اكيد راحت تصحي ام محمد المسكينه من نومها وتلاقيها نايمة من غير عشا كمان ؟
خديجة : صحيح فطوم .. راحت فعلاً لغرفة ام محمد ودفعت عليها الباب بقوه .. وكانت المفاجأه ؟؟
ياترى ايش حصل بعد كده
المهم قبل ماتخرج خديجة قالت هذا المثل ( قالوا لفرعون ايش فرعنك قال مالقيت احد يردني )