من الذاكـــرة الجزء .. 11..

يسعد مساكم قربت الحكاية على النهاية ، وانا ماجلست على سفرة ام محمد ، قلت لنفسي مافي غير طريقة وحده وهي اني ازعل واخرج من البيت واروح عند ام محمد ... قلت لتركي روح لجارتنا خديجة وقلها تجي تشرب عندي الشاهي .. وكمان سعاد ، وعيشه وجميله ، لكن سعاد جابت بنتها زينب ربي يحميها من العين مرررره حلوه .... المهم جبنا الشاهي وجلسنا نهرج مع بعض ... بعدين قلتلهم ايش رأيكم نتسلى بضرب الأمثال ، كل وحده تقول مثل في جارتها ويكون مناسب لشخصيتها ..
وبدأت خديجة وقالت مثل في سعاد : قالو متى طلعت القصر قالوا أمس العصر ...
وبسسس صرخت سعاد في وجه خديجة وقالت هذاأنا ياخديجة الحمدلله طول عمري فاهمة وبيتي احسن بيت في الحاره طلعت اصواتنا لآخر الشارع ، كان ابو تركي جالس مع صاحبه عند باب شارع ، بس دخل وعيونو طايره قال بسرعة مابدي اشوف احد في بيتي وانتي اولهم يافطوووم ، الباب يوسع جمل إخذت عبايتي ورحت عند ام محمد الحمدلله ضمنا السحور الليله عندها ..
طبعاً ام محمد خطأتني وقالت غلط يافطوم هذا الي سويته ...
قلتلها ادري اني غلطانه بس احكيلي شو حصل معاكي الين يجي ميعاد السحور ... قالت طيب ..
****************************************
قالت : لما محمد عرف اني انا الي بدي اطبخ ، قال لها أمي تعبانه وجبتها عندي عشان ترتاح مو نتعبها !! قالت زوجته : ومين قال ان امك هي الي راح تطبخ بالعكس هي تقعد زي الأميره ، وتعلمني انا كيف اطبخ زيها ..
قال : اهااا اجل خلاص دحين ارسلكم المقاضي وارىح عملي والليله انا سهران بره عشان تاخذوا راحتكم ... وخرج محمد من هنا وهي بدأت تصب عليا الإهانات صب ، وقالت مكانك هنا في المطبخ الين تخلصي الطبيخ ..
وخلصت لها الطبيخ كله وساعدتها في ترتيب السفره ، وقبل مايجوا الضيوف على العشا قالت لي ( شوفي ياست انتي انت ماتشرفيني قدام ضيوفي ولا ابغاهم يشوفوكي ، ادخلي الغرفه وقفلي على نفسك الباب .. وسكتت الخاله شويه وقالت فطوم خلاص ميعاد السحور اروح احضر الإكل ..
لكن دوبها قامت تحضر الأكل ودق الباب وفتحت وكان المحروس ابني يبغا يكلمني : قلت نعم ايش فيه ياتركي ؟
قال ابويه جبلك هديه مررره حلوه وجبلك الأكل الي تحبيه وقال مايتسحر إلا لما ترجعي .. يلا أمي الوقت عمان يجري ..
( جات الحزينه تفرح مالقيت مطرح )