من الذاكرة الجزء 20 والأخير بقلمي
بعد ماخلص عقد القران .. قال ابوتركي العريس بدو يلبس العروسة الشبكة !!
قالت حماتي ممنوع يشوفها غير ليلة الدخلة ..
انا جن جنوني وقلتلها أنتي تحسبي عاداتكم باقية , المفروض خلاص يشوفها ويجلس معاها ..
قالت أبداً مايشوفها وأنتي يافطوم خذي الشبكة ولبسيها هيّ , وماعندنا عريس كل يوم والتاني داخل خارج من عندنا ..!
أنا هنا أستخدمت نفوذي كلها وشمرت عن يدي , وزهمت ابو تركي وقلتلو .. عقد القران خلاص صار قال طبعا يافطوم ..
قلت طيب يعني دحين ليلى زوجة عارف .. قال طبعا زوجته على سنة الله ورسوله عليه السلام
قلت وبيت عارف جاهز خلاص ؟ قال اكيد يافطوم
قلت أجل خلاص الآن عارف ياخذ زوجته معاه .. ويادار مادخلك شر ..
قال ابوتركي : والله عين العقل يافطوم , وانا سمعت عارف يقول بدو يسافر يسوي شهر عسل في الخارج ..!
قالت ام عارف والله ياريت انا من زمان ماسافرت يصير اروح معاهم .. قالت حماتي ونحنا كمان مانسيب بتنا تسافر لوحدها انا اروح معاها ..
انا قلت ياسلام يعني جات عليا , انا كمان من زمان ماسافرت ..
صرخت ليلى وقالت خلاص ارحموني ولا يعني ( جات الحزينة تفرح مالقيت مطرح )
واخذت عارف وخرجت ولما جيت اسلم عليها جلست أبكي وقلتلها كثير خايفة عليكي ياليلى ... قالت لاتخافي ياأمّي لساااااني معايا !!
قامت حماتي قالت صدقتوني لما قلت اكفي القدره على فمها تطلع البنت لأمها ...
**********************************
آلنـــــــــــــــــها يــــــة .......ولنا لقاء بإذن الله في العام القادم مع ذكريات
تعليقات
إرسال تعليق