من الذاكرة الجزء 18 بقلمي

صار بيتنا كله مشاكل , بعد حماتي ماعرفت ان رائد موافق على خطوبة ليلى من عارف ..
فرحنا انا وليلى وقلنا الحمدلله خلاص راحت بيت سالم .. لكن تاني يوم رجعت وقالت : البنت بنت ولدي وانا الي اتفاهم مع ام عارف ..!
قام ابو تركي قلها طبعاً ياأمّي أنتِ بركتنا وعميدة أسرتنا والكلمة الأولى والآخيرة في هذا البيت لكِ ياأمّي ..
قالت الله يرضى عليك ياولدي زي ماريحت قلبي , فين فطوم خليها تسمع كلام ولدي الرضي ..
انا طبعاً ماني قادرة اتحمل وبسرعة أخذت عبايتي وخرجت بس مش عند ام محمد لا ..
خرجت ودقيت جرس بيتنا وجاء ابوتركي وفتح الباب وقلي أستني يااختي ازهملك فطوم ...
انا شديته من ثوبه وقلتلو انا فطوم تعال لاتفضحنا قدام امك , بدي اقلك لو أمك دخلت نفسها في خطوبة بنتي اولع حريقة في البيت وعليا وعلى اعدائي يارائد ..
وطبعاً انا متأكدة بعد خطوبة ليلى رائد راح يصاب بمرض السكر والضغط , من الضغوط الي عليه ياحرام مني ومن أمه ... ربي يكون في عونه
بعدين طمني ابو تركي وقلي الله يخليكِ يافطوم وعشان خاطري خلي أمّي تقول الي تقولو .. وإحنا بعدين نتصرف من غير هي ماتدري , قلت طيب ..
وارسلت تركي بيت ام عارف يقلها أننا ننتظرهم الليلة ,
وجااات الليلة الموعودة وأستقبلنا ام عارف احسن أستقبال وجلسنا نتكلم في حاجات كثير ماتخص الخطوبة ..
لكن بدأت حماتي تدخل في صلب الموضوع وفجرت اول قنبله , وقالت : المحروس ولدكم فين يسكن بعد الزواج ؟؟
قالت ام عارف والله بيتنا كبير وغرفنا كثيرة واكيد عارف بيسكن معانا ..!
قالت حماتي , لايااختي اسمحيلي اقلك بنتنا لازم يكون عندها بيت لحالها ..وكم بتدفعو مهر ترى المهور غالية مو زي مااتجوزنا انا وانتِ ب ( 100 ) ريال
قالت ام عارف لاحولا ولاقوة إلا بالله , أنتِ مالك كلمة يافطوم أنتِ امها ليش ساكته !!
انا قلت لأم عارف خلي هذى المواضيع بين الرجال أحسن وأتفضلي اشربي الشاهي ..
طبعا حماتي طلعت من المجلس وراحت دقت الباب على مجلس الرجال طلع ابوتركي وقال خير ياأمَي ايش فيّ ؟ قالت شوف يارائد الناس دول ماينفعولنا لامن باب ولامن طاقة واصرف نظر عن الخطوبة كلها .. وماعندنا بنات للزواج ..