حكايات حجازية من الذاكرة ..بقلمي
أنا دخلت غرفتي ونتشت مخدتي ولحافي ورحت نمت في غرفة تركي ..
لكن حبيبي تركي , قام من سريره , وقلي تعالي ياامي نامي هنا في فراشي ..
__ بس ياامي أنتِ ليه زعلانة ؟ اول مرة في حياتي اشوفك تنامي بعيد عن ابويه
*** ليش ياتركي انت موشايف احوال ابوك اللي اتغيرت ..!
__ تبغي الصراحة ياامي إلا شايف بس كنت ابغاكِ أنتِ تحسي بهذا التغيير
*** طيب كيف اتصرف انا تعبانة خلاص ونفسي اخرج من هذا البيت
__ لايافطوم ماعرفتك ابدا تقبلي بالهزيمة
*** انت مو شايف انك كبرت وصرت تتكلم بعقل
__ الله يسامحك ياامي ليش انا كنت مجنون من اول
*** لاحبيبي الشر بعيد عنك
__ طيب شغلي عقلك يافطوم وخلينا نلحق رائد قبل مايتهور
*** اسمع ياتركي سمعت جارتنا عيشة تقول الرجال يغار من اولاده
__ يعني انا الطعُم ياامي فهمتك .. يلا خليني ادلع كم يوم ياابوتركي
وضحكت من كلام تركي بصوت عالي .. وماشفت غير ابوتركي فتح علينا الباب بعصبية وقال: أنتِ ليه تاركة غرفتك وجايه هنا في غرفة الولد
قلتله لو سمحت خلينا في ساعة رحمان عشان قلبي منك مليان ..!
قفل الباب بهدوء وراح وهو يقول خير الصباح رباح يافطوم
************
في الصباح راحت حماتي غرفة ابو تركي وصارت تهرج بشويش وتقول لأبوتركي:
أشوف فطوم متغيرة انت قلتلها شيء عن موضوع زواجك ؟
__ لاياامي بس انا شاكك في ام محمد لأن ولدها شافنا واحنا داخلين بيت الحلاق ..
*** ياساتر يارب طيب كيف راح تتصرف ؟
__ والله ماادري ياامي
*** شوف يارائد ترى فطووم ماهي هينة دي وحدة قوية ......
__ دحين تقولي هذا الكلام بعد ما وقع الفاس في الراس !!!
تعليقات
إرسال تعليق