حكايات حجازية من الذاكرة ..بقلمي
أنا كثير حزينة صار وضعنا في البيت زي الأغراب .., وحماتي صارت كثير تتقرب من ولدها ...وصار بينهم أسرار , وكلام بالإشارة ..وبنتها تساعدها
وأبو تركي صار يحلق ذقنه كل يوم ألين صاروجهه زي المرايا أنضف من وجهي
***************
انا تركتهم ورحت عند أم محمد ووجهي ينقط سم .. لكن أم محمد لماشافتني
قالت ربي يكون في عونك يافطوم ...
قلت : كأنك عارفة شيء وكاتمة في سرك ..أرجوكِ بس ريحي قلبي وقولي اللي عندك
قالت والله خايفة اقلك يافطوم .. بعدين ينخرب بيتك بسببي
__ لاياستي ماراح ينخرب ولاشيء بس قولي
*** ولدي محمد يقول انه شاف ابو تركي يدخل في بيت الحلاق اللي جنبنا أكثر من مرة
__ أنتِ متأكدة من هذا الكلام
*** شفتي يافطوم عشان كدا ماكنت بدي أقلك
__ لاخلاص كملي ياخالة
*** يقول محمد ان شاف حماتك واحد يوم راحت مع ابو تركي عندهم الظاهر عشان يتفقوا على الزواج ...
*** ايش قلتي زواااج
__ يقطع لساني ياريت ماقلتلك يافطوم
*** لاسلامتك بس انا رايحة
__ فطوم استهدي بالله وخذي الأمور بروية ..الله يسامح حماتك
طبعاً أنا الشرار طالع من عيوني ورحت البيت ودفعت بابنا بقوة رجت البيت كله
خرجت حماتي تجري من غرفتها ...
__ خير يافطوم في احد يدخل على الناس بهذا الشكل
*** لاتنسي ياحماتي أني داخلة بيتي ..عجايب والله الدار دار ابونا والغرب يحاكمونا ..
__ هذا بيت ولدي يافطوم
*** بيت ولدك هناك عند بنت الحلاق يا حماتي
وطبعا حماتي خشت في هدومها وكانت تبغا الأرض تنشق وتبلعها ....!
تعليقات
إرسال تعليق