حكايات حجازية من الذاكرة ..بقلمي
بعد الأفراح والليالي الملاح ..في بيت العم سعيد الحلاق والحارة ..بدأت المشاكل
ماهي غريبة ياجماعة بتحصل في كل البيوت ..
الحاصل أنُ أبراهيم بدأت الغيرة تدب في قلبه من ابوتركي ..وأصبحت الحياة بينهم جحيم لايطاق ..
__ أسمعي ياسمين خروج من البيت مافي بعد اليوم
*** ياسلام أنت اتزوجتني عشان تحبسني بين اربع جدران
__ أجل تتمختري كل يوم في الحارة بالكعب العالي والعباية المطرزة
*** لما موعاجبك اتزوجتني ليه
__ ياسمين انا أحبك صدقيني ..وأعجابي بيكِ ولد الحب في قلبي
*** اجل ليه تعذبني ولاتحط حر رائد فيا انا
__ لاتجيبي اسمه قدامي وإلا هدمت بيتهم فوق راسه
*** طيب والحل حبيبي خلاص انا تعبت
__ الحل اننا نخرج من الحارة
*** حرام عليك ابويا طول عمره يشتغل في دكانه هنا ومرتاح
__ حبيبتي ياسمين حاولي انك تفهميه
*******************
مهند اتقدم لخطبة منيرة وجبلها الشبكة ..لكن ماعجبتها وقالت هي تبغا حزام ذهب ورشرش ..
قلها من فين اجيب قيمتها ..قالت موشغلي بيع بيتكم
لكن أهل مهند ماعجبهم الحال وصرفوا نظر عن موضوع الخطبة ..
وجلست منيرة على قلوبنا ...
العم سعيد وافق ان يخرج من الحارة عشان سعادة بنته ...
ورائد رجع لقلبي من جديد وربي مايفرقنا ... تركي كمان خلص دراسته في الحارة وقرر يسافر يدرس في الجامعة ....
ليلى جابت بنوته حلوة يقولو انها تشبهني ..بس في سركم ام عارف تغار مني كثير ..
قالت ليلى بدي اسمي بنتي على اسم امي ...قال عارف وليش مو على اسم امي ...وصارت بينهم خناقة
قالت ام محمد بطلو هذه العادة ..وكل واحد يسمي الأسم اللي يبغاه ...قالت ليلى انا بدي اسميها وضحى ..
قال عارف عليا الطلاق ماتتسمى بنتي غير سميرة ...انا قلت حسبنا الله عليكم من جيل طايش
الحمدالله مضت الأمور على خير ...وراحت حماتي وبنتها بيتهم ...
ورجعنا انا وابو تركي لوحدنا ....وفكرت اغير حياتنا ...وقلت لأبو تركي نبيع البيت ونترك الحارة ..
ونسكن في المدينة .... ابو تركي حط ايدو على جبيني وقال فطوم انت بخير
*** اتركني أحلم يارائد
__ اسيبك مع احلامك وأقلك تصبحي على خير ياعمري ......!!
تعليقات
إرسال تعليق