حكايات حجازية من الذاكرة ..بقلمي
حياكم الله الأصدقاء والمتابعين ..
عدنا مجددا وحكايات حجازية من الذاكرة إللي تابعو معانا العام الماضي
أكيد متذكرين اننا اتوقفنا عند زواج ليلى ومشكلة مين يسافر معاها لشهر العسل
المهم انحلت المشكلة وسافرت ليلى ورجعت .. ومر على زواجها سنة واليوم هي أم لبنوتة حلوة كتير بس ياحسرة بدون أسم , ألين دحين المشكلة إللي كلكم عارفينها نسميها على أسم أمك ولا على أسم أمي ...
رحنا لأم محمد عشان تحل معانا المشكلة دي .. قالت أم محمد نسوي قرعة ونكتب سبعة ورقات ..انا قلت طيب ياام محمد في مشكلة تانية ..
__ ايش هي يافطوم خلصينا وقولي بسرعة
** لاتعصبي ياام محمد بس يعني قلتي سبعة ورقات طيب انا اسمي ينكتب اربعة مرات
__ فطوم عديها وخلصيني ورايا شغل
** طيب أصلا طول عمري انا الي أمشي ..
كتبنا وفي كل مرة يطلع اسم فطوم ...زعل عارف وقال لازم نعيدها
قالت ليلى بكل عصبية لو تبغا تعيدها تعطيني ورقتي أول
قالت أم محمد حسبنا الله ونعم الوكيل على عقولكم بطلو تسمو بأسم أمك ولا أمها
قالت ليلى والله فكرة ..انا عاجبني أسم وضحى شفته في التلفزيون
قال عارف أبدا بنتي أسميها سميرة على اسم عمتها
صرخت ليلى وقالت لااا وضحى اسمها ..
قام عارف وفرد عضلاته وقال عليا الطلاق غير سميرة مااسميها
أم محمد عصبت وقالت : لاحوولاقوة إلا بالله أعطوني عبايتي ..
تعليقات
إرسال تعليق