حكايات حجازية من الذاكرة ...بقلمي
الله ياليلى تقولي ريحانة سكنت جنبنا
*** ايوه ياامي . ليه أنتِ تعرفيها من اول
__ كيف مااعرفها يابنت دي كانت تدرس معايا في الكُتاب وبعدين انا اتزوجت وهي اخبارها انقطعت عني
*** خايفة اقلك شيء كمان ياامي بس اعرفك ماتقدري تحفظي السر
__ ليلى
*** نعم ياامي
__ شيلي بنتك وقومي من جنبي ولاتوريني وجهك بعد اليوم
*** طيب ياامي بس على فكرة راحت عليكِ الهرجة اللي كنت حقولها
__ أنطقي واتكلمي ولاقومي من هنا
*** شوفي يافطوم تقول ريحانة ان زهور خايفة من ابراهيم
__ طبعا تخاف حسبنا الله ونعم الوكيل البنت صغيرة
**** لاياامي ماهي صغيرة هي قدي بالتمام ...بس هي شوية قصيرة وهنا المشكلة
__ قولي بسرعه
*** ابراهيم بطل ياسمين الكعب العالي عشان لاتزيد طول وتغري اهل الحارة
وزهور قصيرة وتحتاج كعب عالي ... من هنا ياامي تبدأ المشاكل
__ خليه ان شاءالله يشيبوا راسه الحريم
*** اشبك ياامي عليه ايش سوى
__ سلط مهند يبيع البيت حقهم ويشتري شبكة عمتك منيرة ويتقدم تاني مرة يخطبها
*** طيب فين يسكن لما يبيع البيت
__ عندي في بيتي ياليلى
*** طيب ابراهيم ايش دخله ياامي
__ ماتعرفيه يحشر نفسه في كل شيء وعلى قول ام محمد ... خشوني ولاتنسوني ولعو الشمعه وشوفوني ...
*** ضحكتيني ياامي ...
انتهت العزومة ورجعت البيت وراسي من القيل والقال بدو ينفجر ...جاني ابو تركي يطيب خاطري ويقلي ايش اللي متعبك يافطوم ..!
انا جلست ساكته لكن قلت في نفسي ليه ماارجع المياه لمجاريها واخلي ابوتركي يرجع يحلق عند عم سعيد وانا اتصاحب مع ياسمين واخليها زي الخاتم في اصباعي ..بس ياخوفي تدري عن جواز ابراهيم تقوم تطلب الطلاق ...
__ فطوووووم اشبك انا عمري ماشفتك ساكتة بهذا الشكل انتِ تعبانة
*** لا بس عمان اخطط
__ تخططي يافطوم اكيد في مصيبة جديدة
*** اطمن ياخوية ربنا مايجيب مصايب .. لكن ليش ماترجع تحلق عند عم سعيد ..هذا جار قديم واحنا لازم نراعيهم ...
___ ماادري ليش خايف منك ومن افكارك يافطووم ... لكن اليوم كان في خصام قوي بين سعيد وأبراهيم ..بس انا مارضيت ادخل نفسي بينهم وقلت خليني بعيد اكيد بتلاقي الأخبار كلها عند فطوم ..
الموضوع خطير ياابوتركي ....
__ اتكلمي بسرعه يافطوم ..
*** ابراهيم عمان يلعب على مهند الين خلى مهند ورقة رابحه في يده ..........
تعليقات
إرسال تعليق