حكايات حجازية من الذاكرة ...بقلمي
نااام ابوتركي وانا جالسة أخطط وأحلم كيف أنافس جارتي خديجة وأصير المقينة في الحارة ...خلاص البيت صار فاضي تركي سافر وليلى راحت بيتها ..وانا بدي استغل غرفهم ....
فتح عينه ابوتركي وقلي فطوم : أنتي مانمتي ؟
*** لاياخويا جالسة احلم وأخطط كيف انافس خديجة مدام البيت صار فاضي
__ فكرة والله يافطوم ويصير كل نسوان الحارة يجوا عند المقينة فطوم ..ويمكن تنشهري ويجوا نسوان الحارة اللي جنبنا ..
*** لكن ليه انت فرحان كدا لايكون تفكر أني هبله وماني فاهمتك !
__ خير فطوم اشبك انقلبتي
*** لا حبيبي ماانقلبت الله يقطع الشيطان دائما يدخل بيننا ..لكن أنت ماعرفت فين سكنوا بيت سعيد الحلاق وابراهيم ..
__ إلا يافطوم في الحارة اللي جنبنا
*** اهااا عشان كدا تبغاني اصير مقينة عشان تجي الطويلة عندي وازينها وتستمتع انت بشوفتها ...
__ عيب فطوم هذا الكلام انتبهي يسمعك احد
*** طيب عيني في عينك واحلف انك ماتحبها
__ فطوم قفلي على الموضوع الحرمة اتزوجت خلاص وزوجها شرير يجبلنا مصيبة
*** انت واحد كذاب وغشاش وخاين انا خارجة من البيت وماراح ارجعلك تاني
__ أنتِ وحدة مجنونة والغيرة راح تخرب بيتك يافطوم ..الناس تركوا الحارة خلاص اعقلي ياشيخة...
*** انا رايحة عند ام محمد
__ من هذا الصباح ايش تقول عنك بس
*** انت مالك خليها تقول زي ماتبغا
ورحت عند ام محمد وحكيتها على كل شيء ..بعدين قالت اسمحيلي يافطوم فعلاً
أنتِ وحدة مجنونة ..كيف تخربي بيتك بسبب غيرتك , وحدة خلاص راحت ..!
__ بس ياخالة ابوتركي موقادر ينساها
*** يقدر ينساها بس انتِ وحدة هبلة يافطوم شغلي مخك شوية
وخرجت من عند ام محمد ...وانا ماشية قابلت في طريقي ابراهيم ومهند جالسين يتكلمو ومهند بيحكي لأبراهيم عن ظروفه وانه يبغا يرجع يشوف منيرة ..بس العين بصيرة واليد قصيرة ..يعني ماعنده قيمة الحزام والرشرش ..
يقوم النمس التاني يقله طيب بيع البيت واتوسع بالفلوس وعيشوا مع ابو تركي في بيته ..
ودخلت الفكرة في راس مهند وسلم على ابراهيم ..
وانا بشويش اقول مع نفسي .. اشوف فيك يوم ياابراهيم زي ماتخرب علينا حياتنا ..
***
تعليقات
إرسال تعليق