من الذاكرة الجزء 7 بقلمي
قام ابو تركي من النوم وراح المسجد لصلاة الظهر وجلس في المسجد مع رجال الحاره الين أذن العصر وصلى ..وبعدين رجع البيت ودخل عندي في المطبخ وقال الله يافطوم في ريحة حلوة هنا ايش مسوية ؟
قلت ابدا يابوتركي مسوية فضلت خيرك صينية كنافة بالجبنة البلدي , أنبسط ابوتركي وقال تسلم الأيادي فطوم .. سبحان الله احنا الحريم كلمة وحده حلوة تجيبنا ..
المهم قلي يافطوم الصينية كبيرة ليه ماتعطي الجيران منها ..
قلت طيب ياخوية دحين اقطعها , قال استني اساعدك جيبي انتِ بس الصحون وانا اقلك لمين .. واتعبت الصحون ونادى على تركي وقلو شوف هذه الصحون توزعها على الجيران وأول بيت الي جنبنا .. ليلى سمعت البيت الي جنبنا حطت ايدها في وسطها وقالت والله البيت الي جنبنا ماتعطيهم .. قال ابو تركي ليه يافطوم تقول كذا ؟؟ قلتلو هي تقصد بيت ام عارف ..!
قال ابو تركي صحيح ..بس انا نسيت الموضوع وهذا رمضان ياليلى والمسامح كريم ..
الله يهديها ليلى من غير ابوها مايدري سحبت الصحن حق ام عارف ورجعته المطبخ ..
دق الباب وفتحت لأم محمد وكانت جايبة البنت اليتيمة معاها وقالت هيا يافطوم استلمي الأمانة ...
خرج ابو تركي من الغرفة وشاف البنت قام رجع الغرفة تاني يحسب ضيوف بعدين رحت وفهمتو الحكاية كلها ..
الله واكبر لما عرف ان البنت راح تعيش عندنا انفشخ الفم وبانت أسنانه الي عمري ماشفتها ..
بصراحة البنت حلوة واحلى من ليلى كمان .. كيف اسووووي الموضوع كبير ؟
تعليقات
إرسال تعليق