حكايات حجازية من الذاكرة ...بقلمي
***************
قالت خياطة الحارة ريحانة : الموعد حق ياسمين هو بعد المغرب ..لإستلام ملابسها
أنا طبعاً جلست أفكر كيف أخلي ياسمين تحافظ على زوجها وبيتها ...
قالت ام محمد : تبغي الصراحة يافطوم ..
*** احب الصراحة ياخالة بس قولي
__ يعني يافطوم تبغي تقنعينا انك لوجه الله عمان تخدمي ياسمين ..ولا عشان تبعديها عن ابوتركي ..!!
*** بصراحة الأثنين ياخالة
__ طيب دي ياسمين لكن المسكينة زهور بنت الفران ايش ذنبها تبعديها عن ابراهيم ..
*** ياخالة زهور صغيرة وراح يجيها نصيبها ليش العجلة ..
__ وتقدري تقنعي زهور انها تبعد عن ابراهيم !!
*** ماادري ياخالة الهبلة تحبه ومتعلقة فيه
__ طيب يابنتي اتركي الناس في حالها وريحي دماغك ودماغي .. وتعالي نعبي الأكل واتغدي معايا اليوم محمد ومرته مهم فيه متغدين في بيت عم زينب
*** طيب شو طبختي ياخالة !
__ فضلت خيرك ملوخية ورز ابيض
*** ياسلااااام من ثلاث سنوات وانا احاول اذوق من يدك الملوخية
__ بطلي تفتري يافطوم لو احد سمع ايش يقولو عني بخيلة ولا ماعندي احساس
*** لاتزعلي ياام محمد أرجوكِ وأغرفي بسرعة الجوع ياخالة كافر
__ الجوع ولا لسانك هذا اللي يبغالو قص
*** سوي اللي تبغي ولو زاد شوية ملوخية كمان اعطيني لأبو تركي
__ مافي فايدة منك كلي بس وروحي اغرفي لأبوتركي ...
أخ ياريت ماغرفت لأبوتركي ..سم بدني بالكلام وهو يقول شوفي كيف الطبيخ يافطوم واتعلمي مو تجيبيلي ملوخية كأنها موية من الزير ...
انا كتمت غيظي في قلبي عشان عندي كلام كثير بدي اطلعه وارتاح
*** شوف حبيبي احنا لازم نقنع منيرة انها تتراجع عن حكاية الذهب ...وحرام يخسر مهند البيت
هو في النهاية البيت راح يصير بيتها
__ صادقة فطوم أحيان تفكري بعقل وأحيان ............خلاص كملي
*** حسبي الله ونعم الوكيل منك ياشيخ
__ طيب وموضوع ياسمين ..!
*** ايش فيها ياسمين ياابوتركي
__ مو أنتِ قلتِ رايحه تخليها تتمسك اكثر ب أبراهيم
*** طيب اتركني افكر ............
تعليقات
إرسال تعليق