SnapChat

السناب شات او ( SnapChat) هذا التطبيق الجميل يحظى يأهتمام كبير من قبل الكثير من المستخدمين .. كونه يقدم فكرة لطيفة بالنسبة لهم من حيث طريقة الحصول على محتوى ارشيفي من حسابات سناب شات الشهيرة ..ولكن خلينا نلقي الضوء على بعض السنابات ب اللهجة الحجازية ...
كنت في عيادة الدكتور في غرفة الأستراحة حقة الحريم , وجلست اقلب في السناب حق جوالي وصرت اضحك من الي شفته ..
في حرمة كانت جالسة جنبي قالت ماجاتني المشاكل إلا من ورا هذا السناب .. قلتلها خير ياختي ايش فيه .. قالت : ذاك اليوم كان عيد ملاد بنتي بس مافي غير اهلي وقلت للبنات لا تجيبو سيرة لعمتكم اصلا هي في جده وايش يطلعها .. قالو خلاص سرك في بير وبعد ماطفينا الشموع اتصلت عمتهم وقالت عيد ميلاد سعيد بس لو عزمتينا ولا نسيتي اني عمتها ... انا صرت مبلمة كيف عرفت ونحن لسة يادوب طفينا الشموع .. بس جات بنتي وقالت شوفي ياامي صورت العيد بالسناب وارسلته للكل ..قلتلها اهااا عشان كذا جبتي العيد ..
جات الثانية من الكرسي الي قدامي وقالت ماعرفت انه زوجي متزوج عليّ غير من السناب الين ماقهرني البعيد
قالت الحرمة الي بعيدة شوية عننا ..الله يقطع السناب وألي اخترع السناب .. بيني وبينكم روحنا جرينا كلنا وجلسنا قدامها وقلنالها خير ياختي ايش فيه قالت ذاك اليوم ومالحقت اسمع الباقي جات الممرضة وقالت دورك فاطمة فارسي .. كانت في وحده واقفة ورايا تنتظر متى اقوم عشان تجلس ..
تبغا تعرف البيضة مين باضها والدجاجة مين جابها ...