حماتي العزيزة عندنا

 

قالوا : ياجالسين يكفيكم شر الداخلين ...Fatmah Abdulrahman Farsi

أتصالحنا أنا وحماتي , وأرسلت تركي يشتري نعناع عشان الشاهي حق حماتي.. الحمدالله مشي الحال ..

قالت حماتي : فين جيرانك يافطوم من يوم جيت عندك ماشفت أحد جاكِ !!

قلت : خلاص ياحماتي أنسي الموضوع , دحين أسأليني عن النت مو عن الجيران الدنيا اتغيرت ياحماتي .. قالت الله يرحمنا برحمته , طيب فين صديقتك اللي تشرب معاكِ القهوة , خليها تجي تشرب الشاهي معانا ...

وجات سماح تشرب الشاهي , ومن جلست , قالت لحماتي ماشاءالله مو باين عليكِ الكبر كأنك أصغر من فطوم ..فرحت حماتي وأتصلحت في جلستها وشالت الطرحة من فوق شعرها ...

بعدين قالت : ساعتك حلوة يافطوم من فين اشتريتيها ؟ قلت لا دي هدية من أبو تركي ..

ضحكت وقالت ذكرتيني بأم غسان زوجها جبلها هدية عشان يغطي على الزواج التاني , وهي ياغافل لك الله ماتدري عن شيء ..

قالت حماتي : قالوها زمان يامأمنه للرجال يامأمنة على الموية في الغربال ...

وأندلعت الحرب في بيتنا ................