بالحجازي أحلا .....بقلمي
**********
كنت جالسة في أمان الله أشرب قهوتي , ومالي شغل في أحد مابدي أكلم أحد مابدي اتحمل ذنب أحد من هذا الصباح ...
لكن ريحة القهوة تفضح وتوصل لسابع جار ....
دق الباب مافي أقوم أفتح بس لو كان عندي شغالة كان قامت وفتحت الباب ...ضحكت واتذكرت النكتة اللي تقول من كثر الكسل اللي فيه طلق حرمته عشان لايقوم ويفتحلها الباب .....
لكن فتحت الباب لأن كان شوية ويتكسر ....
__ صباح الخير فطوم ليه لاطعتني عند الباب ومافتحتِ
*** أدخلي بس القهوة لاتبرد ....خارجة من بيتك من صبح الله تلفي على الجيران تبغي كلام وعيادت الناس عشان تحكي جوزك لما يرجع من الشغل ...
__ حسبي الله يافطوم طول عمرك ظالمتني
*** أجلسي بس وقوليلي كيفها عمتك جابت شغالة ولا ماحصلت
__ أستني احكيلك يافطوم ايش صار مع عمتي والشغالة
*** قولي وانتِ عمان تشربي القهوة
__ تقول عمتي قبل فترة من الزمن ..كانوا اولادها صغار المهم بعد ماخرجوا للمدارس ..راحت بسرعة لغرفتها عشان تكمل نومها ..
وهي نايمة حست بأحد يصحيها , فتحت عينها لقيت وحدة قدامها تشبه الحرمة اللي تجي تخدم عندها كل يوم ..
*** وليه هي الحرمة ماهي عايشة معاها ؟
__ لا يافطوم قالت بتاخذ أجازة كم يوم
*** طيب كملي
__ صارت عمتي تقول بسم الله الرحمن الرحيم , كيف دخلتِ غرفتي
وصارت تردد البسملة ...
على بالها يمكن الحرمة تختفي ..والحرمة كمان صارت تسمي
*** ها وبعدين مين اللي أختفى فيهم عمتك ولا الحرمة
__ محد أختفى يافطوم ..طلعت عمتي ماقفلت الباب لما خرجوا اولادها ..والحرمة بالصدفة جات تبغا فلوسها
اعطتها عمتي الفلوس وبعدين جابت خدامة عندها تجلس في البيت
*** عظيم وعساها مبسوطة
__ مين يافطوم
*** اكيد عمتك
__ الله يرحمها قتلتها الشغالة الجديدة
*** حسبي الله ونعم الوكيل الله يرحمها ....
وبدل ماتصير قهوة الصباح لذاك اليوم سكرها زيادة ...قلبناها قهوة سادة .............
تعليقات
إرسال تعليق