بالحجازي احلا ........بقلمي
اكيد على القلم و راح يتعثر في يدي ...
جلست أفكر ايش اكتب , وقلت في نفسي خليني مع هذا الصباح الجميل ..اكلم جارتي تشرب معايا القهوة ...ويمكن استلهم منها شيء مفيد ...
المهم دخلت جارتي مكشرة , ووجهها يقطع الخميرة من البيت
^_^ على قول ام محمد ...قلت خير ياختي ايش فيه , ليه شايلة طاجن ستك على راسك وجاياقالت: انا يافطوم أكره الرجال
*** ياشيخة من جدك تتكلمي
__ يابرود اعصابك يافطوم .. ايوا اكره الرجال
*** مايصير تكرهي كل الرجال علشان واحد
__ وليه يافطوم تدافعي عنهم وقدامي كمان
*** حبيبتي روقي انا موقصدي ازعلك لكن الرجال فيهم ابوكِ واخوكِ وعمكِ وخالك وولدك ومستقبلاً حفيدك ...!
__ ظلمني يافطوم
*** اللي ظلمك واحد شخص , فلاتجمعي كل الرجال
__ يكره أهلي يافطوم ويمنعني من مناسباتهم وجمعاتهم حتى امي وابويا مااشوفهم إلا في النادر ..
*** وايش السبب ....!
لكن اسمعيني حل المشكلة دي في يدك تقدري تخليه يحبهم ويسكن عندهم كمان
__ الحل يافطوم بسرعة
حبيبتي الظهر على أذان ومن غير مطرود , ورانا طبيخ ...لكن آية طبيخ حسبي الله عليها ضيعة وقتي ....
*** آلوو حبيبي تقدر تجيب آكل معاك وانت راجع من الشغل ..!
وقفلت جوالي بسرعة قبل مايفتح معايا محضر .....مافي احلا من النوم
تعليقات
إرسال تعليق