حماتي العزيزة عندنا
حماتي العزيزة عندنا ...Fatmah Abdulrahman Farsi
****************
حياكم الله راح من رمضان تقريبا الأسبوع الأول , كان ودي نتكلم عن العادات الرمضانية في البلاد الأسلامية ...
لكن حماتي جات تفطر عندنا وماعجبتها سفرتنا الرمضانية , كل شيء طلعت فيه عيوب وماقصرت ..
من يوم حطينا سفرتنا وهي جالسة تنتقد وكأنها مندوبة من شركة الأطعمة ....
حطينا طبق الفول قالت ليش الفول مو مبخر الله يرحم زمان لما تشمي ريحة الفول من آخر الشارع ...
حطينا الشربة ’ قالت دي شربة ولاموية سايطة , فين شربتنا اللي ريحة ابزارها يعطر البيت
جبنا السنبوسك فتحتها وقالت فين البيض المسلوق , في احد يافطوم ياكل سنبوسك من غير بيض..
وفين الحلويات فين الكنافة واللقيمات وأم على والقطايف ......
خلاص انا أتفجرت , لكن ابو تركي مسكني وقلي عديها يافطوم , دول أهل الزمن الجميل مايعجبهم زماننا ........
الحمدالله خلصنا الفطور وجبت الشاهي , قالت فين النعناع ماني شامة ريحته , لاتقولي كمان ماعندكم نعناع ....!
أنا هنا خلاص أتفجرت , لكن ابو تركي حط يده على فمي , وقلي معليش عشان خاطري يافطوم ....وكأنك لاسمعتي ولاشفتي , معليش دي أمي
تعليقات
إرسال تعليق